شهيرة لمنتقدي زواج مي فاروق: كل واحد حر في حياته يحتفل ويفرح براحته
كتبت/ نهى مدحت
حرصت الفنانة شهيرة على الدفاع عن مي فاروق ومحمد العروسي، بعدما تعرضا لتعليقات سلبية بعد حفل زفافهما، وجاء ذلك خلال بوست عبر صفحة الرسمية على “فيسبوك”.
قالت شهيرة:” السلام عليكم ورحمة الله وبركاته، وألقى السلام عليكم في الأول لأن نفسي يبقى فيه بيننا سلام ايوه سلام نفسي بين الناس وبعضها وبين الناس المتنمرين والشتامين للفنانين بالأخص، هو أنتم ايه مشكلتكم؟ تطاول عمال على بطال ودون سبب؟ وتدخل في حياتنا الشخصية دون وجه حق، نفسي من فترة طويلة اتكلم في الموضوع إلا أن وجدت الفرصة الذهبية التي حمسني واستفزتني وهو فرح الجميلة مي فاروق ايه الجرم اللي عملته عشان عايزة تفرح هي وعريسها، مالكم انتو بتعمل فرح ولا متعملش أولادها فرحانين ولا مش فرحانين مالكم أنتم أوصياء عليهم”.
أضافت شهيرة:”هو أنتم عايزين تلطشوا فينا عشان نفسيتكم تستريح طيب ما تروح لدكتور نفسي يريحكم، وهيلاقي حل أكيد لكمية الحقد والغل والسواد اللي مالي قلوبكم، طيب أنتم بتقولوا احنا ما بنخافش من ربنا ماشي خافوا أنتم منه واتقوا الله في لسانكم هتعملوا ايه يوم الحساب ياللي بتعرفوا ربنا طيب الحديث؛ اللي بيقول هل يكب الناس في النار على وجوههم إلا حصائد ألسنتهم، ايه موقفهم من الكلام ده ياللي بتعرفوا ربنا هتتشدوا كده لسانكم على النار، بسبب تطاولكم وجرحكم لناس معملوش حاجة غير أنهم اتجوزوا على سنة الله ورسوله”.
وأخيرا:” وأعلنوا عن زواجهم بطريقتهم مش عجبتكم، انتو ما لكم ما كل واحد حر في حياته يحتفل ويفرح براحته عيب و الله تتضايق ناس فرحانة وتقرفوهم كدا، الست يا عيني في مداخلة مستغربة من ردود أفعال المتنمرين والشتامين، المهم الناس دي لو شافوا أي فنان في أي مكان يجروا وراه بالمشوار ممكن صورة ممكن سلفي ايه التناقض العجيب ده، بدعي ربنا ان الناس دي تروح تتعالج مش كلام بجد و الله لأن حسابكم بعد كده عسير وبتاخدوا برضه مننا دعوات حلوة”.
