رانيا يوسف: بتعامل مع الراجل على إنه سي السيد
كتبت/ نهى مدحت
كشفت الفنانة رانيا يوسف في بودكاست “على الرايق” تقديم خالد عليش، إنتاج الشركة المتحدة للخدمات الإعلامية، العديد من التصريحات الهامه والمثيرة عن حياتها الشخصية.
تحدثت رانيا عن علاقتها مع الراجل قائله:” بلبس في الحيط ممكن اكون قويه في قراراتي وعملي وقرارات تخص بناتي لكن مع الراجل غير قويه؟ بحسسه انه سي السيد، ويملك زمام الامور حتى لو بالوهم، كل الستات بتعمل كده وانا زيهم، ممكن اغلط لكن نيتي دايما كويسه”.
اضافت:”البداية دايما لذيذه لكن من يرتبط بشخصيه مشهوره، يكون لديه توقعات إنه طول الوقت في أحسن مظهر، لكن الحقيقة إني طبيعية في البيت زي أي ست ولابسه لاكلوك، مش طول الوقت بميك اب وشعر، انا مش شادية في الأفلام “.
استكملت حديثها عن تدخلها في علاقات ابنتها العاطفية قائله:” معنديش مشكلة بناتي يحبوا في الدراسة المهم تحافظ على نفسها متخليهوش يسيطر على دماغها، وتهتم بكريرها ويكون جزء من حياتها مش كل حياتها زي ما هي جزء من حياته، موضوع الجواز ده مش مهم بالنسبالي أنا بقولهم اتجوزوا 30 سنة”.
تابعت:” العشرينات كلهم بيعشقوا رانيا يوسف الممثلة، وهلبس اللي يعجبني مش هيهمني رأي حد طالما مقتنعه، وأنا كنت بحب على نفسي ومش هرتبط تاني الا لما الاقي روح مشابهه لروحي”.
