الكاتب بشير الديك يتعرض لوعكة صحية شديدة
كتبت/ نهى مدحت
تحدثت نجلة الكاتب الكبير والمخرج بشير الديك أن والدها تعرضت لوعكة صحية شديدة، دخل على أثرها العناية المركزة للمرة الثانية وأشارت أنه تعرض لإهمال كبير.
أضافت دينا بشير الديك بوست عبر موقع التواصل الإجتماعي “فيسبوك” كتبت فيه: صباح الخير جميعا للأسف بابا دخل تاني العناية في المستشفي، والمرة دي الموضوع مختلف خالص للأسف حالته بعد ما كانت بتتحسن شوية بقت ترجع تسوء تاني، المشكلة في الإهمال وعدم الإهتمام بالمرضى، روحنا امبارح وقت الزيارة لاقينا بابا زاد عدم وعيه وذراعة وارم جدا وبيؤلمه ومحدش كان واخد باله والمفروض إنه في الرعاية.
تابعت: المشكلة التانية أنه بقى لا فادر يمضغ الأكل ولا يبلعه، دا غير أنه كان جعان على غير العادة، بالرغم من عدم قدرته على المضغ ولا البلع، لكنه أول ما بدأ يأكل بدأ وعية يزيد، ازاى دي رعاية ومن كتير قلق ماما وعدم ثقتها في الخدمة المقدمة اللى هي مش رخيصة بالمناسبة، بقت تشوف الأدوية اللى بياخدها وبتعرف تأثيرها، وبدأت تتناقش مع الدكاترة في الأدوية، قام دكتور الرعاية المحترم المتواجد ساعتها قال لها “لو مش قادرين على مصاريف المستشفي روحوا مستشفي تانية”، هل دا رد محترم لدكتور رعاية في مستشفى معروفة؟.
واستكملت حديثها: وللأمانة الوحيدين المهذبين هناك دكتور صافي مديرة الرعاية ودكتور أحمد سامي دكتور الرعاية، وللاسف مش موجودين طول الوقت، إن شاء الله نخرج منها على خير ونروح مستشفى تانية في أسرع وقت، برجاء الدعاء ل بابا أنه يقوم بالسلامة ويخرج من النفق المظلم اللى هو فيه دا آمين.
