الزعيم يتصدر محركات البحث بعد تصريحات نجله
كتبت/ نهى مدحت
تصدر الزعيم عادل إمام محركات البحث خلال الساعات الماضية، بعد تصريحات نجلة رامي إمام حول حالته الصحية، نفي هذة الشائعات، مؤكدا أن الزعيم يتمتع بصحة جيدة .
تحدث رامي عن صحة الزعيم خلال استضافته في برنامج “ET بالعربي” قائلا:” أنا مش بطلع أطمن حد لأن الحمدلله مفيش حاجه، كلها إشاعات طول الوقت بنسمعها احنا اتعودنا على كدا، من أول ما كنت أنا صغير ، إحنا مثلا كنا نروح نسكن في شقة صغيرة، فجأة يقولو العمارة دي بتاعت عادل إمام، نروح نسكت فوق مطعم يقولو المطعم بتاع عادل إمام ، طول عمرنا متعودين على كدا، الحمدلله احنا خدنا مناعه”.
تابع رامي:” طبيعي مع مرور الوقت الإشاعات نفسها بتاخد شكل مضخم على السن، فيقولك دا كبر فدا اكيد تعبان، لكن هو الحمدلله اكويس جدا جدا وبيستمتع بوقته مع أحفاده، ومفيش أي حاجه ودي كلها شائعات، والناس عارفة والجمهور عارف كل حاجه وطبعا بيسمع الإشاعات ويتأثر بيها بشكل كبير، لكن هو فاهم اكويس اي اللى بيتقال”.
واستكمل حديثه عن عودته للساحه الفنية:” هو وجهة النظر بالنسبة له إنه هو عمل كل حاجه فلو فيه أي دور هيتعرض عليه جديد تماما عن اللى عمله طبعا ياريت، الموضوع مش اعتزال، وكل مرة بتسال نفس السؤال، هو مش اعتزل طبعا ولكن الواحد بيوصل لمرحلة انا دلوقتي عملت الشخصية دي والكاركتير دا والحمدلله أنجزت وأثر في تاريخ مصر بشكل كبير”.
اختتم حديثه:” بالنسبة لى هعمل دور مختلف عن اللى عملته، اه اكيد في طموح وفيه فكر لكن لو مجتش حاجه مناسبة للحاجه في التوقيت دا اللى أنا عايزة، ليه اعملها مش مجرد الظهور وخلاص دا عادل إمام “.
