كنا عاوزين نعمل عيش طازة.. ياسر جلال يكشف سبب حريقة لوكيشن تصوير مسلسل جودر

كتبت/ مي السايح

حلّ الفنان ياسر جلال ضيفاً في البرنامج الإذاعي “الراديو بيضحك”، والذي يقدمه الإعلامية فاطمة مصطفى، كشف خلال اللقاء أسباب حريق لوكيشن تصوير مسلسل “جودر”.

قال جلال معلقا: “الحريقة اللي حصلت في الاستديو كان المفروض في فرن وأستاذ إسلام خيري المخرج عايز يعمل مشهد العيش بيطلع طازة، عشان المصداقية، إحنا لما بنولع شمعة معانا الدفاع المدني بيقولولنا نعمل إيه، قبل ما يعمل المشهد دا استشار الناس اللي هناك، وحصل إننا ولعنا الفرن البلدي”.

وتابع حديثه : “واتضح أن الفرن نفسه مكنش معزول وحرقت جزء اللي إحنا فيه عقبال ما قدرنا نسيطر أخدنا وقت، لكن الحمد لله أن الحريقة موصلتش لباقي الديكور”.

استكمل جلال: “المفارقة إني كنت بصور مشهد الحريقة بتاع الدكان اللي اتعرض في الحلقة العاشرة وبعدها بـ3 أيام حصلت حريقة مش في الدكان في المحل اللي جنبه على طول، كانت مفارقة غريبة”.

يُذكر ان، مسلسل جودر ومسلسل “جودر” مستوحى من حكايات ألف ليلة وليلة، بطولة ياسر جلال، نور اللبنانية، ياسمين رئيس، أحمد فتحى، هنادى مهنا، وفاء عامر، عبد العزيز مخيون، علي صبحي، وليد فواز، ياسر الطوبجي.

بالإضافة إلى، أحمد كشك، عايدة رياض، جيهان الشماشرجي، محمود البزاوى، مجدي فكري، وتأليف أنور عبد المغيث، وإخراج إسلام خيرى وإنتاج شركتى ميديا هب سعدى – جوهر، وأروما للمنتج تامر مرتضى.