المخرج أحمد البنداري يكشف كواليس أزمته مع محمد سعد

كتبت/ نهى مدحت

نشر المخرج أحمد البنداري بوست عبر موقع التواصل الإجتماعي “فيسبوك”، ووضح فيه تفاصيل حول تحذيره من التعامل مع محمد سعد بسبب فيلم “الدشاش”.

كتب البنداري: توضيح للسادة الصحفيين، أنا مقولتش الفيلم فكرته أو تأليفي، هو تأليف جوزيف فوزي والبوست موجود متعملوش أي إيديت، مفهوش الكلمة دي خالص ولا حتى تلميح لكده، أنا سردت اللى حصل فقط.

أضاف: وتوضيح تاني كان المفروض هينتج الفيلم تحالف إنتاجي متكون من (الماسة، هاني رشاد_ تريو، محمد نقرو_ رن فيلز، كريم الشربيني_ الجوريو، هيثم حسن_ ديجيتال لاب، عز غنيم).

وتابع البنداري: والصديق المشترك محمد كرم المقيم في دبي، وهو صديق شخصي للفنان وصديق مقرب مني، وكل الناس دي تشهد إني مشتغلتش على الفيلم أسبوع واحد زي ما المؤلف قال، يمكن هو يقصد بعد قعدة سعد هما اتفقوا بعد أسبوع إنهم يعملو الفيلم من غيرنا، لأن بعد اختفاء سعد كنا مرشحين ممثل تاني.

واخيرا: الفنان اللى أنا رشحته وكلمته وانا اللى أخدت معايا المؤلف احتراما ليه، بعد المجهود المبذول والمذكور في البوست الأصلي بالتفصيل، أنا حاولت أستثني المؤلف من الموضوع دا حفاظا على صداقتنا اللى خانها قبل كدا وأنا سامحته، لكن معرفش ليه خد صف الناحية التانية لتاني مره معايا من غير أي أذى من ناحيتي، بالعكس أعتقد إنه مشافش مني غير كل خير والتزام.