ماجد المصري: “دور رجب الجريتلي جعلني أوقع دون تردد في إش إش”

كتبت / ريهام محمد

أعلن الفنان ماجد المصري عن رأية في مسلسل “إش إش” الذي يعرض حاليًا ضمن مسلسلات رمضان 2025.

أكد ماجد المصري خلال لقائة في برنامج “et بالعربي”: “كانوا دايما بيسألوني ليه مابنشتغلش مع بعض، كنت بقول لهم محمد سامي لما يلاقي دور متناسب معايا هيرفع السماعة ويكلمني، فعلا جالي مكالمة، كنت رايح في طريقي لفيلم “الغربان” وكان معايا آدم ابني، ولقيت محمد سامي بيكلمني وبيقول لي انت بتعمل ايه السنة دي، قولت له لسه ماتعاقدتش على حاجة.

تابع: “محمد سامي قال لي: “اسمع كدة خط الشخصية دا”، وحكى لي “رجب الجريتلي”، قولت له: “محمد أنا مضيت المسلسل دا”، قال لي: “من غير ما تقرأ”، قولت له: “والله من غير ما اقرأ، لأن الدور دا يتدفع عليه فلوس”، وأنا ومحمد بنفهم بعض من زمان، لأننا نعرف بعض من حوالي 20 أو 25 سنة، قبل ما يفكر في الإخراج”.

يذكر أن مسلسل “إش إش” من بطولة كلا من مسلسل مي عمر وماجد المصري وإدوارد ومحمد الشرنوبي وشيماء سيف ودينا وهالة صدقي وانتصار وعصام السقا من تأليف وإخراج محمد سامي.