تامر حسين موجهًا رسالة غامضة: أنا مش مسامح ليوم ما أقابل رب كريم على كم الغل والأذى والقسوة اللي شفتها من الشخص ده

كتبت/ مي السايح

أثار منشور الشاعر تامر حسين الجدل، حول رسالته الغامضة التي توجه رسالة لشخص قام بأذيته، وقرر عدم مسامحته إلا لو إعتذر في العلن.

وكتب تامر حسين عبر حسابه الرسمي على الفيسبوك : “بمناسبة الوفاة وركوب الأحداث أنا موصي أهلي وبأوصيكم، أتمنى لما أقابل رب كريم مايطلعش شخص يستعطفكم ويقول ده حبيبي ولا أخويا ولا سامحني ولا الكلام الحلو اللي كان لازم يتقال في حياتي”.

وتابع تامر حسين: “اللى ظلمني واللي ياما أنكر حقوقي الإنسانية وحقوقي الأدبية وحقوق أخرى لا داعي لذكرها ربنا أعلى وأعلم بيها وتجاوز ياما فى حقي (في العلن وفي الخفاء) اغتابني وحاول ياما يشوه صورتي ويكره الناس فيا ويزيف الحقايق”.

وأكمل تامر حسين: “أنا مش مسامح ليوم ما أقابل رب كريم على كم الغل والأذى والقسوة اللي شفتها من الشخص ده إلا أنه يعتذر فى العلن زي ماغلط في العلن ماحدش ضامن عمره فا حبيت أقولها وأنا على قيد الحياة بدل ما يتضحك عليكم فيما بعد”.