ماندو العدل: محمد رحيم مات من عدم التقدير
كتبت/ مي السايح
أثار خبر وفاة الملحن محمد رحيم حزن جميع الفنانين والفنانات، والذي وافته المنية في الساعات الأولى من صباح يوم السبت، ونعاه المخرج ماندو العدل عبر حسابه الرسمي على الفيسبوك.
قال ماندو العدل: “خبر صادم و حزين .. الملحن الكبير محمد رحيم في ذمة الله .. محمد كان أخ وصديق من أكتر من 20 سنة كم ذكريات وضحك ولحظات فن كبيرة بيننا عمري ما هنساها”.
وتابع ماندو العدل: “محمد مات من عدم التقدير كان دائما يشتكي لي أنه مش واخد حقه إعلاميا رغم أنه من أهم ملحنين العالم بجوائز عالمية رسمية ومعتمدة إلا أنه إعلاميا مكانش حد بيهتم بالجوايز دي ولا كأنه عمل حاجة، محمد مات من المجاملات والمحسوبية و الـ trend الزائف، أمتى الفنان الحقيقي في الزمن ده هياخد حقة؟ .. أمتى اللي أضاف ومتع الناس هو اللي يتصدر المشهد؟”.
واختتم ماندو العدل كلامه: “خلاص يا حبيبي مش هعرف أقولك متزعلش تاني وأجيلك الاستوديو أضحكك ونغني سوا، بقلبك الأبيض وأخلاقك وفنك وحساسيتك المفرطة أكيد أنت عند ربنا في مكان أحسن بكتير من دنيا ظالمة وجائرة، هتوحشني قوي إدعوله لإنه والله يستاهل”.
