“إن شاء الله أعتقد أننا قربنا من التصالح والتنازل” مرتضى منصور يكشف تفاصيل نارية خلال زيارته لأحمد فتوح في محبسه
كتبت/ آيه النجار
أزاح المستشار مرتضى منصور رئيس نادي الزمالك سابقًا، الستار عن تفاصيل نارية خلال زيارته لأحمد فتوح، نجم الفريق الأول لكرة القدم بنادي الابيض، عقب ارتكابه حادث أدى إلى وفاة أحد المواطنين.
ونشر مرتضى منصور فيديو مصور عبر حسابه الشخصي بالفيسبوك قائلاً: اقدم الشكر لكل الرجال الأمن المتواجدين في القسم على مجهودهم اللي بيبذلوه، وأنا أطمئنت على أحمد فتوح وهو الحمد لله بخير، وقولتله أن إيمانك بربنا هو لأزم يكون نمرة واحد، هنفترض أنت اللي روحت فيها، فده نعتبره أن ربنا فداك”.
وتابع : “ انا مندهش بصراحة لما قالي إن مفيش حد من مجلس إدارة الزمالك الحالي زاره لحد دلوقتي، لا حسين لبيب ولا هاني شكري ولا سليمان ولا أدهم”.
وواصل:«أنا متصور الناس كلها هتروح تشوف فتوح لأني دايما أنا بحب أسبق في الخير، وإن شاء الله متابع التطورات القضية مع فتوح وإن شاء الله خير في اللي جاي».
اضاف: “وإن شاء الله أعتقد أننا قربنا من التصالح والتنازل، وبعدين هنروح لسيادة القاضي الجليل اللي اتمني أنه ينظر في الموضوع بعين الرحمة، مضيفًا، أنه يشوف أن فتوح ده شاب صغير من دور ابن من ولاده، وكلنا بنغلط”.
وأكد مرتضي منصور: “أنا بس لفت نظرى حاجة كمان، كابتن ميدو مش أنت زملكاوي ليه مجيتش تزور فتوح، وفين كابتن خالد الغندور، من الآخر اللي مش بيظهر في الأزمة بيقي ملوش أصل”.
وأتم مرتضى منصور حديثه:”وأنا قابلت المحامي أشرف عبد العزيز اللي بيحاول يساعد فتوح من أزمته، بس أنا مندهش وهو واقف معايا، وعايز أعرف ليه بيتشم ليه لجان حسين لبيب وممدوح عباس، نزلين فيه شتيمه، لكن المفروض أي حد يقدر يساعد فتوح عشان يطلع من محنته يتفضل”.
