نوبات هلع زودتني في الوزن.. أسما شريف منير تكشف سبب زيادة وزنها
كتبت/ آلاء الدهشان
أعلنت النجمة أسما شريف منير سبب ظهورها بوزن زائد، خلال حضورها فعاليات الدورة السابعة من مهرجان الجونة السينمائي.
قالت الفنانة خلال لقائها مع ET بالعربي: “أنا دلوقتي تخنانة عشان باخد دواء، كان بيجيلي نوبات هلع وكنت بقعد في البيت مش قادرة أنزل من كتر الخوف، لما أخدت الدواء من آثاره الجانبية بتاعته أنه بيتخن”.
أكملت أسما أنها لا تريد اللجوء للطرق السهلة لخسارة الوزن قائلة: “أنا مش عايزة استسهل وأروح أعمل تكميم، مفيش أي اعتراض على التكميم لكن أنا عايزة أحافظ على أكلي ورياضتي خسيت شوية وبرجع أتخن تاني، كما تحدث عن الطرق الحديثة لخسارة الوزن مثل “حقن التخسيس”: “الحقن مش هتنفع معايا لأني شايلة الغدة”.
كانت أسما شريف منير حذفت صورها عبر حسابها على Instagram وكشفت السبب قائلة: “”شلتي كل صورك ليه؟ عشان عايزه اشارك معاكم حاجة تفرق، تفرق مع شخص واحد بس! طب و هو ايه يعني اللي هيفرق في الصور دي؟”.
أشارت قائله: “اول حاجة عايزه اوصلها من الصور دي، انها من غير اي اديت او فلتر، و دي حاجة انا في صراع دايم فيها، عشان بقيت بحب شكلي ب فلتر اكتر و ده شيء محزن، فا محتاجة احس اني حره من الفلاتر و الاديت عشان اشجع بنات تكون حسه احسن”.
