نجوى فؤاد: اللي الرقاصات الجداد بيعملوه مش بتاعنا مينفعش يبقوا عريانين كده

كتبت/ نهى مدحت

كشفت الفنانه نجوى فؤاد خلال تصريحات تليفزيونية في برنامج “قعده ستات” مع الإعلامية مروه صبري، المذاع عبر فضائية ألفا، عن رأيها في الرقاصات الجدد.، وأشارت أنهم لم يجيدون الرقص، وما يقومون به من حركات بعيده تماما عن الرقص الشرقي.

حيث قالت نجوى:” دينا آخر العنقود في الرقاصات، كنت انا وفيفي عبده ودينا وأنا دلوقتي سبت الرقص وانا مشفتش حد من الرقاصات الجداد الأجانب في مصر ولا عندي استعداد اشوف حد منهم، أنا ممكن اقوم اضربها وهي عريانه كده ازاي تبقى عريانه كده؟”.

وأضافت نجوى:” اللي الرقاصات الجدد بيعملوه مش بتاعنا مينفعش يبقوا عريانين كده والحركات اللي بيعملوها ملهاش علاقه بالرقص، الرقص ما هو إلا مشاعر بتطلع من الإنسان، وترجمه للغنوه”.

وفي وقت سابق قد تحدثت نجوى فؤاد عن بدايتها في الرقص حيث صرحت خلال تصريحات تليفزيونية قائله: هربت من أبويا وأنا عندي 13 سنه، عشان كان عايز يجوزني ورحت القاهرة روحت مكان اشتغل فيه، واما تعرفت على المدير قال لي انت بتعرفي ترقصي وما رقصتله قال لي أنت قنبله، وأول بدله اجرتها من نعمه فؤاد وكانت بربع جنيه”.

واستكملت حديثها:” أنا بدأت الرقص من هنا، وربنا قال وفتحنا لك فتحا مبينا، اداني نجاح أكثر مما استحق واداني حب الناس .