أبو يعلن تأجيل طرح أغنيته الجديدة لهذا السبب
كتبت/ مي السايح
أعلن المطرب أبو عن تأجيل أغنيته الجديدة “الحرب العالمية”، والتي كان من المقرر طرحها اليوم، وأعلن ذلك عبر ڤيديو نشرت على حسابه الرسمي على الإنستجرام، وذلك بسبب الأحداث التي تحدث في لبنان.
علق أبو قائلاً : “النهاردة كان المفروض تنزل أغنية الحرب العالمية، وأنا بعتذر لكم بسبب الأحداث الإرهابية اللي بتحصل من الكيان المحتل في لبنان”.
أضاف : “بس ده برضه ياخدني لموضوع إن الفن سواء المرئي أو المسموع.. فيلم تمثيلية، لوحة فنية، أي كان نوع الفن، يعتبر النفس اللي بتاخده الناس بعد زحمة الحياة والتفاصيل والمشاكل اللي بيعيشوها في حياتهم اليومية، بيبقى الواحد عايز ياخد براح ونفس إن يروح يقرأ قصة أدبية أو يتفرج على تمثيلية أو يسمع أغنية أو يحضر حفلة”.
وتابع : “أنا اللي اخترت أأجل الأغنية دي بصفة شخصية بعد ما كان عندي مكالمات مع أصدقائي في لبنان، وشوفت إن الدنيا عندهم بجد صعبة.. حسيت إني مش هقدر أنزل الأغنية، بس ده مش معناه إن أي حد هينزل أي عمل فني غلطان في أي حاجة لأن زي ما قولت لكم الفن هو الحته اللي الناس بتروح لها عشان تهرب من صعوبة واقع الحياة”.
