نجل سليمان عيد: كل من دفع في خارجة أبويا لحد النهاردة يبلغني بيه عشان يكون مرتاح
كتبت/ مي السايح
حرص عبدالرحمن سليمان عيد، على توجيه الشكر لكل من عزاه في وفاة والده الراحل سليمان عيد، ملتمسًا العذر لكل من تخلف عن حضور العزاء.
وكتب نجل سليمان عيد، في حسابه بموقع إنستجرام: شكر الله سعيكم جميعا.. ملتمسين العذر لكل اللي مقدرش ييجي العزاء ومقدرين ظروف كل اللي كان نفسه ييجي ربنا يجعله في ميزان حسناتكم ويغفر لأبويا ويرحمه، شكرا لكل اللي طبطب على قلوبنا أنا وأمي وأختي.
وأضاف نجل سليمان عيد: شكرًا من قلبي بجد لإخواتي وأصحابي وأساتذتي اللي وقفوا جنبي من أول لحظة وماسابونيش أبدا لحد دلوقتي يخليكم ليا ويباركلكم في حياتكم ويديم المحبة بيننا يا رب”.
وتابع : “بحبكم أوي والله وكل واحد فيكم عارف هو عندي إيه، سامحوني فيه ناس كتير أوي بجد باعتينلي وأنا مش عارف أرد على العدد ده ومحدش يزعل أني الله أجركم مقدرتش أرد بس والله تسلم إيديكم وعظم الله أجركم جميعا والحمد لله على حب الناس.
واختتم نجل سليمان عيد: آخر وأهم حاجة ورحمة أبويا الغالي كل من دفع في خارجة أبويا لحد النهاردة يبلغني بيه عشان يكون مرتاح ومطمن، ولو في حد له عندي أو عند أبويا أي حاجة أرجوكم يعرفني ضروري.
