أنا بس بنكشه… حسام حبيب يقدم إعتذار للفنان تامر عاشور

كتبت/ مي السايح

قدم الفنان حسام حبيب اعتذارًا عبر حسابه الرسمي على الإنستجرام للفنان تامر عاشور، وذلك عما بدر منه من أحاديث حول طليقته وأنها كانت مُحاطة بأشخاص غير ناجحين، وهو الأمر الذي جعلها تبتعد قليلًا عن الساحة الفنية.

قال حسام حبيب: “على فكرة يا جماعة أنا بهزّر، هو فنان محترم وليه جمهور كبير وبيقدّم فن راقي وأنا بعتذر له لو كان الهزار تقل، أنا بس كنت بنكشه لأنه تقّلها عليا شويتين”.

وأضاف: “هو زميل محترم وبيقدّم فن محترم، أنا بحب اللي هو بيقدّمه وهو اجتهد ولكل مجتهد نصيب، معلش حقك عليا يا نجم”.

يُذكر أنه قد بدأ الخلاف حين علّق تامر عاشور على أزمة حسام حبيب وشيرين، وذلك عبر حسابه الشخصي في موقع X قائلاً: “كل اللي أقدر أقوله في موضوع شيرين عبد الوهاب، أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة، أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل”.

وتابع عاشور: “يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها، أنت بمن حولك، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة، أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان أوي، بالعقل”.

جاء رد حسام حبيب، على حديث تامر عاشور، إذ قال في تصريحات سابقة: “سمعنا ناس غريبة بتدخل في أمور مش أمورها خالص، ومنهم ناس أشباه فنانين، مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص”.