فيه ناس بتلمع على حساب غيرها وطلعوا ورق مطلي.. الفنان عمرو مصطفى يوجه رسالة غامضة للجمهور

كتبت/ مي السايح

وجه الفنان عمرو مصطفى رسالة غامضة عبر حسابه الرسمي على الفيسبوك، ولكن أثار الجدل بسببها، لعدم وضوحها.

كتب عمرو مصطفى عبر حسابه الرسمي على الفيسبوك: “في ناس كانت بتلمع على حساب غيرها، والناس كانت فاكرة إنهم كنز، بس لما اللي كان بيديهم بريقه سابهم، طلعوا ورق مطلي، والمكان اللي كانوا معتمدين عليه سابهم، النهاردة الأرقام ما بتكدبش، والحفلات ما بقتش زي زمان، واللي بيحاولوا يخلقوا رأي عام ضدي من ورا الكواليس، ده كله ما بيهزش شعره مني”.

وتابع: “الشباب اللي جاي بقوة، وأنتم مش عارفين تقفوا قدامهم، الجمهور بيعرف مين اللي يستاهل، ومين اللي خلاص بقى من الماضي، التاريخ بيتكتب من جديد، واللي كان شايف نفسه كنز، طلع مجرد مغارة فاضية”.

الجدير بالذكر أن، الفنان عمرو مصطفى أعلن عن تسجيله القرآن الكريم بصوته، كما أكد أنه سيقدم جميع الأغاني التي لحنها بصوته، وستُحذف النسخة المسجلة بأصوات المغنيين بعد انتهاء فترة حقوقها.

وكتب عمرو مصطفى، عبر حسابه الرسمي على الفيسبوك: “الأغاني اللي عملتها هترجع تاني بصوتي بعد انتهاء مدة حقوقها، فيه أغاني عملتها من سنة 1999، يعني فاضل حوالي عشرين سنة وترجع الحقوق تاني ليا، ووصيتي لأولادي عدم التجديد لأي شخص.. هنبتدي ننزلها من دلوقتي بصوتي، لكن بالكلام متغير وتوزيع جديد تمامًا”.