أول تعليق من الملحن عزيز الشافعي على أزمة شيرين: هدعمها مهما حصل
كتبت/ مي السايح
أعلن الملحن عزيز الشافعي، عن دعمه الكامل للفنانة شيرين عبدالوهاب بعد أزمتها مع شركة روتانا، والتي قامت بحذف أغانيها بعد طرحها بساعات.
قال عزيز الشافعي في ڤيديو له عبر حسابه الرسمي على الإنستجرام:” مقطع فيديو نشره عبر حسابه الشخصي بموقع إنستجرام: “كنت بتمنى الأغاني تنزل بطريقة أحسن، والاستعجال في تنزيل الأغاني حاجة ضايقتني ولكن شيرين كانت مجبرة عليه وأنا بدعمها مهما حصل”.
وتابع: “الإستعجال خلى أغنية بتنمى أنساك تنزل وهي لسه مخلصتش، والمهم أننا نسمع شيرين في كل حتة، والجمهور استقبل الأغاني بشكل رائع، ويارب شيرين تقدر تعدي الأزمة دي زي ما عدت كتير”.
استكمل حديثه : “فرحان بحماس شيرين وفرحان بشجاعتها، ومُقدر أنها ممكن تكون غلطت، وأتمنى يكون فيه حد كبير في المزيكا والقانون يحل الإشكالية دي ويدي كل واحد حقه ويخلي شيرين تشتغل، وتخرج من مشاكلها الخاصة وتكلمنا في الفن، اللغة اللي بنحب شيرين فيها”.
كما تابع: “أغنية إللي يقابل حبيبي كلمات تامر حسين، أنا وتامر قعدنا أكتر من سنة علشان الأغنية دي تتعمل بالشكل ده وشيرين اللي تغنيها، وفرحانين وإحنا سامعينها بصوت شيرين عبد الوهاب ومنتمناش أحسن من كده، وكانت المفروض الأغنية تنزل بشكل أحسن من كده”.
