“بسمة كانت مستميته على التريند”.. ميار الببلاوي تكشف تفاصيل حلقتها مع بسمة وهبة
كتبت/ بسمة غربية
كشفت الفنانة ميار الببلاوي كواليس ظهورها مع الإعلامية بسمة وهبة من خلال منشور عبر حسابها على فيس بوك، وذلك بالتزامن مع تصدرها التريند بسبب هجوم أحد الشيوخ عليها بعد تصريحاتها الأخيرة.
قالت ميار الببلاوي: “أنا كنت ضيفة في برنامج متشاف مع مذيعة كبيرة على قناتين كبار النهار والمحور، وأنا الفلوس فأنا أخدت مبلغ لا يذكر وكنت مصممه أرجعه وألغي الحلقة وأسالوا أستاذ شريف رئيس تحرير البرنامج”.
تابعت الفنانة: “أرجوكم كفاية نقض واللي حصل فى الفيديو الناس اللي بتقول تمثيل ربنا يحسسكم بالقهرة وبوجع قلب الشريفة الحرة المتقية ربها لما يتقال عليها زانية من شيخ”.
أكملت الببلاوي: “أنا غلطت لما قبلت أطلع مع بسمة ويشفعلى جهلي بالبرنامج وطبيعته، وغلطت أنها لما قالتلى 11 مرة مفهمتهاش إن كلامها يعنى أبقى مطلقة، وبعدين محدش ليه دعوة بحياتى الشخصية، جوزى وابني وجوازي خط أحمر من هنا ورايح”.
أردفت ميار: “الناس اللي بتقولي انتى اللي اتكلمتي وقولتي وعاوزين يرحموني أنا كنت بتسأل وبجاوب مش أنا اللي فتحت أي كلام وكنت بحاول أتهرب من الإجابة بس بسمة كانت مستميته على التريند من كلامى مكنتش مديانى فرصة نهائى غير اللي اتمنتج”.
تابعت الفنانة: “حياتى الشخصية خط أحمر ودا هيكون شرطى أنا خدت كل الأدوية بس والله من النكد ما قادره أنام، وكمان بدأنا الإجراءات القانونية سمعت إنه مسح الفيديو بس خلاص شوفناه”.
أختتمت ميار حديثها قائلةً: “والمستشار القانوني بدأ شغله وحسبي الله ونعم الوكيل وبعتذر على عدم الرد على السادة الصحفيين لأنه لم يعد لدي ما أقوله، والأمر ترك للقانون والقضاء المصري الشامخ وعند الله تجتمع الخصوم”.
