منزلتش دمعة بعد انفصالي.. لأول مرة هنا الزاهد تكشف أسباب إنفصالها من أحمد فهمي

حلّت الفنانة هنا الزاهد ضيفة في برنامج “صاحبة السعادة”، وكشفت خلال الحلقة تفاصيل إنفصالها عن الفنان أحمد فهمي، وكيف تخطت التجربة.

قالت هنا الزاهد خلال لقائها ببرنامج: “كنت عمري ما أتخيل حاجة اسمها طلاق، وربنا كان عارف إني مش مؤهلة لحاجة زي دي، وسهلها عليا، والموضوع حصل بالتدريج خلال 8 شهور”.

وتابعت: “لو رجع بيا الزمن هخوض التجربة تاني، عشان أنا مكنتش هتعلم غير لما أتخبط جامد عشان أركز في اختياراتي بعد كده، ولكن مش أي حد نصدقه وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفى هنا من كل حاجة وإتخطيت وكنت راضية جدا”.

كما وضحت هنا الزاهد أن أسياي الإنفصال كانت الإنجاب وتابعت : “أنا بحب الأطفال جدا وكنت أتمنى تكوين عائلة، ولكن الواقع كان غير كده، الأمور لا تُحسب هكذا، وكنت أتعامل بحسن نية واللي قدامي ماكنش كده”.

وأضافت: “وبحب البيت يكون مقفول وميبقاش فيه تدخلات زائدة من أي حد حتى لو كان قريبا مننا”.

كما صرّحت بإمكانيتها في المشاركة مع الفنان أحمد فهمي في أي عمل فني وقالت موضحة؛ “لو تم ترشيحي لعمل فني مع أحمد فهمي، هقبله عادي، لأن أحمد أصبح زميل مهنة، ولا أرى أي مانع في العمل سويًا”.

يذكر أن هنا الزاهد أعلنت عن خوضها موسم رمضان 2025 من خلال مسلسل يحمل اسم “الزواج سم قاتل”، مع المخرجة ياسمين أحمد كامل وإنتاج محمد السعدي، ويتكون من 30 حلقة.