لابس خلخال.. أحمد سعد في إحدث ظهور له والجمهور يعلق: إيه اللي انت لابسه ده
نشر الفنان أحمد سعد صور جديدة له، عبر حسابه الرسمي على الإنستجرام، وهو في رحلة بحرية له، وأثار الجدل بإرتدائه “خلخال”.
انتقد رواد السوشيال ميديا إطلالة الفنان أحمد سعد، وجاءت التعليقات غاضبة لما يرتديه الفنان مؤخرا، حيث علق أحد المعجبين: “بتهرج إيه اللي انت لابسه ده “.
ولم تكن هذه المرة الأولى التي ينتقد فيها الجمهور لطريقة ملابس المطرب أحمد سعد، حيث ظهر سابقًا مرتدي “حلق”، وعلق أحمد سعد خلال لقائه في برنامج Sold Out من تقديم الإعلامي محمود سعد: “أنا ندمان إني لبست الحلق، الغرب كتير جدا بيلبسوا الحلقان تقاليدهم وكده، والحلق ملوش علاقة بالستات يعني مش بتاع ستات بس، وفي شباب كتير بيلبسوه، في موضة معينة خلاص الدنيا بقت مفتوحة دلوقتي مبقاش زي زمان الدنيا كلها باصة على بعض”.
وتابع أحمد سعد: “أنا رحت إيطاليا دورت على أكبر ستايلست يلبسني، بس هو غالبا قلعني مش لبسني لأنه كان بكم عادي خلاني شبك، أنا قلت ألبس على أحسن موضة، ميلانو هي منارة الموضة فجابلي الجاكيت والحمد لله عشان عاداتنا وتقاليدنا هو كان معاه “جيبه” بس قلت لأ مش عايز أزودها، رميت “الجيبه” وضربت الشبك، وناس كتير لبست شبك”.
