أول تعليق من الفنان عمرو يوسف بعد إصابته زوجته بالسرطان

كتبت/ مي السايح

وجه الفنان عمرو يوسف رسالة دعم لزوجته الفنانة كنده علوش، والتي أعلنت إصابتها بسرطان الثدي منذ أيام، وذلك عبر إستضافتها في برنامج بودكاست مع الإعلامية منى الشاذلي.

نشر عمرو يوسف، صورة تجمعه بزوجته كندة علوش، عبر حسابه الرسمي على الإنستجرام، وكتب: “الحمد لله ثم الحمد لله ثم الحمد لله، الحمد لله على كل شيء، ظروف صعبة مرينا بيها على مدار سنتين لكن أنتِ كنتِ مؤمنة ومسلمة أمرك لله، ظهورك وكلامك قوى ناس كتير هتبدأ رحلتها وكانت خايفة، لكن أنتِ في عز تعبك إديتيهم قوة”.

تابع : “ربنا يخليكي ليا ولأولادك ولحبايبك في الدنيا كلها اللي ما بطلوش دعاء ليكي من ساعة ما عرفوا، ربنا يحبب فيكي خلقه كمان وكمان عشان أنتِ تستاهلي كل حب الدنيا يا أجمل قلب في الدنيا”.

وكانت قد أعلنت كنده علوش إصابتها بسرطان الثدي، وكشفت عن دعم زوجها لها طوال فترة مرضها وعلقت عبر البرنامج قائلة: “عمرو لما عرف إني مصابة بالسرطان كان خايف أكتر مني وقلقان، وهو مش سودوي ولكن كان حاطط الفكرة دي قبلي وكان حاسس، وقررت أنا وعمرو إننا مش هنعرف حد لأننا مش عايزين نقلق الناس، وعمرو كان بيوصلني الجلسات ويقولي إن لازم حد يقعد معايا في المستشفى”.

وأضافت: “كنت بخلي عمرو هو اللي يجي معايا كنت عاوزة أمشي الرحلة بنوع من الانغلاق، كان فيه صديقة عزيزة خفت من سنين وقالتا لي علشان تخففي جلسات الكيماوي خلي معاكي شلة، جيت أفكر أعمل كده حسيت أني مش قادرة كنت عازوة أخوض الرحلة دي لوحدي، وعمرو مُصر يجي كنا ساعات مش بنتكلم وأنا بقرأ قرآن أو بفكر أو أتامل، كنت عاوزة أشيل مسؤولية نفسي وأنا مركزة”.

أضافت: “عمرو كان داعم قوي جدًا لأنه شخص إيجاب ولا مبيستسلمش للحزن وكل ما يشوفني هقرب يرجعني ومروحش في السكة دي، وهو كان معايا في المستشفى ورحلة العلاج، وكان بيخفف عني ويسمعني وميسبنيش أستغرق في الخوف، وعمرو لما بيكون عنده مشاكل في الشغل مبيجبش المشاكل معاه البيت”.