هتفضل حبيبتي وصاحبتي.. أول تعليق من هشام عاشور بعد إنفصاله عن الفنانة نيللي كريم

كتبت/ مي السايح

حلّ الفنان هشام عاشور ضيفاً في برنامج “تفاصيل” الذي تقدمه نهال طايل عبر شاشة “صدى البلد 2″، وكشف خلال الحلقة سبب إنفصاله عن الفنانة نيللي كريم.

قال عاشور معلقاً على علاقته بطليقته نيللي كريم: “كلمة طليقتي نيللي كريم أنا مش حاسسها، احنا بعدنا عن بعض، هي لها كل الاحترام والتقدير وهتفضل حبيبتي طول عمرها، والعشرة اللي بينا دي كلها، احنا محصلش بينا كارثة”.

وتابع عاشور:” قررنا ناخد طريقين مختلفين، لكنها هتفضل حبيبتي وصاحبتي، ودا كلام مفروغ منه، مش لازم كل اللي بيتطلق الحب ينتهي بينهما، في حاجات معينة بتكون مش موجودة أو اختفت، فالناس بيبقى ليها معزة كبيرة عند بعض، بس مش عايزة تبقى هنا، لكن مش لازم أن الناس لما تطلق يبقى خلاص كرهوا بعض ومش عايزين يشوفوا بعض”.

أضاف مستكملاً : “كان بقالنا فترة واضح إننا هنروح للحتة دي، ولا صحة للشائعات حول انفصالنا بسبب أودلادها، الولدين أصدقائي، ومافيش الكلام دا، لما اتجوزنا في 3 شهور منذ تعرفنا، اتخذنا القرار لوحدنا وبسرعة، وفي نفس الوقت طلاقنا كان لوحدنا وبسرعة، ومحدش اتدخل”.

يُذكر أن، انفصلت الفنانة نيللي كريم عن زوجها هشام عاشور، شهر مايو 2024، بعد زواج استمر لعامين ونصف العام، وكانا تزوجا في أغسطس من عام 2021، وأقيم حفل زفافهما في الساحل الشمالي.