احنا بنحضر مهرجانات عشان الحياة لازم تستمر.. إلهام شاهين تعلن تضامنها مع أحداث فلسطين
كتبت/ مي السايح
أعلنت الفنانة إلهام شاهين عن تضامنها مع أحداث فلسطين، وعبرت عن حزنها عما حدث في رفح الفلسطينية، وذلك أثناء تكريمها احتفال الجمعية المصرية لكتاب ونقاد السينما باليوبيل الذهبي.
نشرت شاهين ڤيديو أثناء تكريمها عبر حسابها على الفيسبوك، وقالت فيه: “أنا تقريبا مانمتش يعني فتحت التليفزيون وبدأت أشوف الأخبار مصدقتش اللي بيحصل في فلسطين، قلبنا موجوع جدا وعايزين نقولهم إن مش معنى إننا بنحضر مناسبات أو مهرجانات طبيعي الحياة لازم تستمر، لكن إحنا جوانا ألم كبير جدا للي بيحصل في فلسطين”.
تابعت : “يعني اللي بيحصل امبارح ناس نايمة في خيم على الأرض وبيوتها تهدمت، فتتفجر وتتحرق ونشوف مناظر ونسمع صراخ يعصر القلب عصر، المجتمع الدولي فين من اللي إسرائيل بتعمله وخرق كل المواثيق الدولية وكل ما يخص حقوق الإنسان شيء زاد عن حده”.
واختتمت إلهام شاهين كلمتها: “بالرغم أن كل المجتمع أو أغلبه دلوقتي مع فلسطين وحق فلسطين في إقامة دولتها ومع حقهم في دفاعهم عن أرضهم، إسرائيل بتقول أنا بحارب الإرهاب أي إرهاب؟ اللي بيدافع عن أرضه يبقى إرهابي، أنا لو حد قرب من مصر أنا أول واحدة هنزل أحارب عن مصر وكلنا هننزل نحارب لو كل واحد بيحارب عن بلده اسمه إرهابي أنا بعلن إني النهاردة هكون إرهابية”.
يُذكر أن، استهدف الجيش الإسرائيلي مخيمات النازحين في منطقة رفح الفلسطينية مساء أمس الأحد، بعد أن أعلن الجيش أنها منطقة آمنة وطالبوا المواطنين بالنزوح إلى رفح، مما أسفر عن مقتل وإصابة عشرات المواطنين النازحين معظمهم من النساء والأطفال.
