ماجد الكدواني: انا وكريم عبدالعزيز صحاب من ٢٤ سنة ومحدش يقدر يحسدنا
كتبت/ مي السايح
حلّ الفنان ماجد الكدواني ضيفا في برنامج “بودكاست بيج تايم”، والذي يقدمه الإعلامي عمرو أديب، كشف خلال لقاءه أسرار صداقته مع الفنان كريم عبدالعزيز.
قال الكدواني خلال البرنامج عند سؤاله عن صداقته مع كريم عبدالعزيز: “صداقتنا عمرها 24 سنة من سنة 2000 والحمد لله مفيش بينا مشاكل، ربنا يديمها نعمة ويبعد عننا العين إنسان جميل وصافي، إحنا شفنا وعدينا بتجارب وظروف كتير”.
تابع الكدواني :”كريم عبد العزيز لو في يوم اتنرفز وزعل وقلع الجزمة وضربني بيها هسامحه، يعلم ربنا أنا لو عمل فيا إيه لا يمكن أزعل إلا ده، إحنا بنحب بعض بجد بنغلط ونتعاتب ونتصالح ومحدش يبقى ماسك على حد حاجة، إحنا أصحاب برا المهنة بنتكلم عن الحياة”.
استرسل ماجد في حديثه عن الصفات التي يحبها في صديقه: “من القلب للقلب، إحنا لما بنقعد نتكلم مع بعض يقولي هي الناس بقت عامله كده ليه وليه شكلنا غريب قدام الناس هو ليه اتنين بيحبوا بعض يبقوا غريبين، في مرة اتكلمنا 8 ساعات، بنبقى محتاجين نتكلم مع بعض جعانين مصداقية، أكلم شخص من غير حساب أبقى قدامك صافي لا أنا ولا إنت هنمسك على بعض حاجة”.
أضاف الكدواني : “دايما مراتي بتقولي أن علاقة صداقتنا ممكن تتحسد، لكن لوفي يوم كريم اتنرفز وزعل وقلع جزمته ضربني بها هسامحه عشان ميبقاش حسد، أنا لو عمل في أيه لا يمكن أزعل منه إحنا على مدار الـ 24 سنة عدينا بنجارب كتير، وشفنا حاجات كتير سوا”.
يُذكر ان، آخر أعمال جمعت ماجد الكدواني بالفنان كريم عبدالعزيز فيلم “البعض لا يذهب للمأذون مرتين”، وشاركهم في البطولة كلًا من: دينا الشربيني، بيومي فؤاد، وعدد آخر من الفنانين، وتأليف أيمن وتار، وإخراج أحمد الجندي.
