بطلو قرف.. زوجة عصام صاصا تطالب بتحري الصدق في قضية زوجها بعد إشاعات حبسه

كتبت/ مي السايح

طالبت جهاد ماهر زوجة المطرب الشعبي عصام صاصا، بتحري الصدق وعدم إنتشار الشائعات حول حبس زوجها في قضية دهس أحد الأشخاص، موضحة أنه يمر بحالة نفسية سيئة، ولم يستطع الظهور لجمهوره ويكشف تفاصيل الحدث.

علقت ماهر عبر صفحتها الرسمية على الإنستجرام، وكتبت: “جوزي تعبان وكل ما ييجي يتكلم مع حد يفتكر الموقف ويعيط، ومش لازم بقى يطلع يقول لكم شوفوني يا جماعة أنا مكسور إزاي ومتدمر، وعيب اللي بتعملوه ده وربنا ما يحطكم في اللي هو فيه”.

تابعت: “ممكن تبطلوا قرف عصام مخدش 7 سنين ومفيش حكم أصلا، بتقولوا عصام كان شارب معرفش إيه، ولحد دلوقتي نتيجة التحاليل مظهرتش وحاسة أن شوية وهتقولوا عليه إرهابي وسارق فلوس الناس، ولا علشان إحنا مش بنرد فأنتم هتسوقوا فيها، وما تقلقوش هانت وكل واحد عمل فيلم ما يزعلش والحساب يجمع”.

وفي منشور آخر أعربت ماهر عن حزنها الشديد لمرور زوجها بهذه الضائقة، وأنها ستقف بجانبه حتى يمر بها بسلام معلقة: “مرة من 4 سنين وقعنا في مشكلة كنت أنا وعصام لوحدنا وعشنا أيام وحشة، ومحدش كان بينصحني ولا حد كان واقف معانا بس بعدها لما صبرنا ربنا عوضنا عوض كبير أوي في الرزق وحي الناس والشغل”.

أضافت: “دلوقتي في عز كسرتي واثقة في قضاء ربنا، وعارفة إن ده امتحان ودرس من عند ربنا وعلى قد ما هنصبر على قد ما هتفرج”.