عمرو يوسف يمازح يسرا: “مش عاوزينها تسافر معانا تاني عشان بتخطف مننا الأجواء”
كتب/ نوران عسكورة
استضافت الإعلامية منى الشاذلي أبطال فيلم شقو لـ عمرو يوسف ببرنامجها معكم، والذي تقدمه على قناة ON، وتحدثوا خلال الحلقة عن كواليس العمل مع الفنانة يسرا.
مازح الفنان عمرو يوسف الفنانة يسرا موجهًا حديثه لـ كريم السبكي: “أنا بستأذنك وبطلب منك إني مش عاوز يسرا، تسافر معانا تاني ولا تيجي معانا في أي حتة، لأن في كل السفريات بتخطف مننا الأجواء، وبمجرد دخولها في أي مكان في حاجة بتتغير وبتخطف مننا الجو زيادة عن اللزوم وعاوزين بعد كده نسافر لوحدنا”.
أشارت الفنانة يسرا لأصعب المشاهد التي قدمتها في الفيلم، وهو مشهد الثعبان، قائلة: “حطولي تعبان حقيقي وكنت مرعوبة، وبقول لهم بيبص ليا كده ليه، وكان ساقع جدًا ولما كان بيتحرك وهو على جسمي زي ما يكون بيعصرني كلي، وكنت ميتة من الخوف”.
أضافت: “كنت سعيدة ومرتاحة من جوايا، وحاسه أني بعمل حاجة مختلفة خالص، وفرحانة أني كنت حاجة أساسية وجزء كبير معاهم في العمل”.
يذكر أن فيلم شقو بطولة الفنان عمرو يوسف، محمد ممدوح، يسرا، دينا الشربيني، أمينة خليل، عباس أبو الحسن، وليد فواز، أحمد فهمي، محمد جمعة، حنان يوسف، محمود الليثي، جميل برسوم، وإخراج كريم السبكي، وتأليف وسام صبري.
