في ذكرى ميلاده.. محمد ممدوح يكشف تفاصيل دخوله الفن
![](https://algomhuria-algdeda.com/wp-content/uploads/2024/05/6f70720b-9fdc-4e86-9953-35c324b051ae-780x470.jpeg)
كتبت / أسماء حليمة
يصادف اليوم ذكرى ميلاد الفنان محمد ممدوح، الذي قدم العديد من الأعمال السينمائية والدرامية الناجحة، وهو ولد بمدينة السالمية في الكويت عام 198، ثم انتقل بعدها مع أسرته إلى حي الحلمية الذي نشأ به في القاهرة.
تحدث الفنان محمد ممدوح الشهير بتايسون عن تفاصيل دخوله الفن قائلًا: “بدأت تمثيل وأنا في تانية ثانوي بسبب البنات في مسرح المدرسة روحت هناك وأنا في المدرسة فكان جسمي ضخم شوية والمخرجة شافتني قالتلي عايزاك في دور فالموضوع عجبني عشان كان فيه بنات هناك وكده”.
تابع ممدوح: “حاولت أدخل معهد سينما بس معرفتش ودخلت بعد كده فرقة وكنا بنعمل ورش تمثيل ودخلت ورش كتير أوي على نفقة الدولة مع مخرجين أجانب مخرج دنماركي ومخرج فرنسي وكنت بشتغل وأنا في الجامعة من ورا أهلي”.
أضاف محمد ممدوح: “واشتغلت حاجات كتيرة أوي غير التمثيل من ورا أهلي زي إني اشتغلت شيف قبل كده في مطعم شهير واشتغلت قهوجي
“.
أكمل: “وفتحت كافيه واشتغل جدا وكان بييجي يقعد عندي لاعيبة مشهورين في النادي الأهلي ونجحت في المشروع ده بس قفلت بعد كده بسبب الحي وأشتغلت كمان في فرقة أفراح وكان ليها قصة معايا وفي الفترة دي كنت بدأت تمثيل وبحاول أجرب الشخصيات”.