محمد طوبار: “عادل إمام ذكي ومبيشتغلش في أي حاجه”
كتبت / أسماء حليمة
كشف الفنان محمد طوبار عن تفاصيل جمعته بالزعيم عادل إمام، في العديد من الأعمال الدرامية، والسينمائية.
قال محمود طوبار خلال لقاء صحفي له: “الأستاذ عادل إمام ممثل قوي جدا، وذكي جدا وبيختار أعماله بتقنية عالية وفي الوقت المناسب، ومبيشتغلش أي حاجة”.
واصل: “وهو اللي رشحني لفيلم الإرهابي وشافني فيه ثم بعد كده فوجئت إني مترشح لـ 3 أفلام تانية، كان منها رسالة إلى الوالي، وفيلم عريس من جهة أمنية، وفيلم أمير الظلام”.
أضاف : “كان بيكلمني محمد زين مدير الإنتاج يقولي الأستاذ عادل إمام عايزك معاه في الأفلام، ودي كانت حاجة بتسعدني جدًا”.
أكمل: “كان بيسعدني إني أسمع إن الأستاذ عادل إمام عايزك معاه في فيلم، وادتني ثقة كبيرة في بدايتي كممثل مبتدئ”.
تابع: “الزعيم ما بيحتكرش حد ومابيديش توجيهات لكن أما بيقف قدام الكاميرا بيبقى ممثل ولو شايف إن في حاجة تعلينا في المشهد بيقول”.
