“أنا مطلقتش 11 مرة”.. ميار الببلاوي ترد على الهجوم الموجه لها بعد ظهورها مع الإعلامية بسمة

كتبت/ بسمة غربية

أوضحت الفنانة ميار الببلاوي كواليس ظهورها مع الإعلامية بسمة وهبة من خلال حسابها على فيس بوك، وذلك بالتزامن مع تصدرها التريند بسبب هجوم أحد الشيوخ عليها بعد تصريحاتها الأخيرة.

قالت ميار الببلاوي: “كل الناس عماله تقولى غلطك إني طلعتي في برنامج بسمة طيب أقسم بالله ما كنت أعرف أنها هتكون هجومية كده، اتلجمت مكنتش عارفة أرد خالص وكل اللي كان في دماغي إني ألغي الحلقة وليس كل منطوق مقصود”.

تابعت ميار: “أنا مطلقتش 11 مرة، كان قصدي أن جوزي على طول بيقول عليا الطلاق يا جماعة دا بتاع البطيخ بيحلف يمين طلاق أن البطيخة حمرا يبقى مراته طالق؟ الناس ماسكه على كلمة واحدة تستاهلي علشان طلعتي مع بسمه خلاص ارحموني”.

أردفت الببلاوي: “اعترفت بغلطتي بس أنا صحبتى دعتني لبرنامجها وأنا بحب بسمة ومن زمان وصورنا قبل رمضان بأسبوعين وأنا أقسم بالله عمرى مشفت برنامج العرافة دا قبل كده اللهم حلقه شاكوش ومراته”.

أكملت الفنانة: “وعارفه بسمة طيبة وبتحبني فوجئت بالكاركتر اللي كانت متقمصاه في البرنامج كان كل همي أحافظ على هدوئي واحترامي للمكان وارد على أي سؤال بصراحة علشان المصداقية”.