زينة تعرب عن استيائها بعد نقد طارق الشناوي لها
كتبت / أسماء حليمة
أعربت الفنانة زينة عن استيائها من أسلوب الناقد الفني طارق الشناوي في انتقاد أعمالها، موضحة أنها لا تحب تدخله في أمور شخصية.
قالت زينة خلال لقائها في برنامج الحكاية مع الإعلامي عمرو أديب: “لما عملت الليلة واللي فيها نجح وكسر الدنيا ولما جه ينقد العمل قال زينة أخيرا خرجت من مشاكلها.. مالك ومال الكلام ده”.
أضافت زينة: “ولما عملت العتاولة قال زينة سابت البطولات المطلقة وزعلانة.. لأ أنا مش زعلانة.. أنا بعمل عمل مع نجوم كبار وأحمد السقا اسم كبير وباسم سمرة وطارق لطفي وشركة كبيرة زي الصباح”.
تابعت زينة: “عارفة أنك بتحبني ولكن مينفعش حضرتك تتكلم عن طموحك الشخصي ليا.. اتكلم يحيادية علشان استفيد منك، ولما تقولي حاجة تكون بناءة، وكمان الأجيال الجاية تستفيد”.
كما علق المخرج أحمد خالد موسى على الانتقادات توجهت لهم، قائلًا: “قناة إم بي سي وهي أهم محطة في الشرق الأوسط طلبت جزءًا ثانٍ من المسلسل بنفس الأبطال أكيد مش هيعملوا ده مجاملة، لأن أي حد يقدر يكون موجود في المكان ده والميعاد ده وفيه تقاير بتوري نسب المشاهد الحقيقية”.
وأشار مصطفى أبو سريع: “مينفعش أكون ناقد وأنقد بطريقة تنتقد، كده بقى النقد الحرام أهو.. وفي ناقدة سيدة قالت كلام عني بسبب أنها شافت مشهد فحكمت على الدور كامل والمسلسل، ولكن المفروض تشوف عمل وبعدين تقيم ومينفعش تنتقد بطريقة فيها تجاوز”.
