أحمد السقا كان هيموتنا.. باسم سمرة يكشف كواليس مسلسل العتاولة
كتبت/ مي السايح
كشف الفنان باسم سمرة خلال حلوله في برنامج “الحكاية” مع الإعلامي عمرو أديب، كواليس مسلسل العتاولة الذي عرض خلال السباق الرمضاني لعام ٢٠٢٤، كما كشف عن صداقته بالفنان طارق لطفي.
حكى باسم سمرة عن موقف حدث أثناء تصوير مسلسل العتاولة وقال : “أحمد السقا كان هيموتنا.. كنا قاعدين في لوكاندة في إسكندرية بنصور هناك، وكان فيه عاصفة شديدة اسمها عاصفة السحب وهي نوى سحب اللي في الشارع بيتسحب على البحر، وإحنا في الدور الثامن وأحمد قال عاوز اطلع البلكونة وفتح الباب وخرج ولقيته بيتسحب وطاير من البلكونة وأنا ماسك فيه”.
كما كشف عن علاقته السابقة بالفنان أحمد السقا: “وأضاف باسم سمرة: أحمد السقا اشتغلت معاه أكتر من مرة، وأحمد خالد موسى كذلك، وأول مرة مع طارق لطفي وبعد يومين بقينا صحاب، وبحب اشتغل وأنا مرتاح مش وأنا متوتر أو أوقلقان، لازم أكون مرتاح واللي حواليا مبسوطين فيحصل إبداع”.
تابع حديثه: “شغلتنا صعبة جدا ومرتبطة بتركيز وإخراج وتصوير وتأليف، وكنا بنشتغل 24 ساعة أو 20 ساعة أحيانًا وما نمناش 24 ساعة علشان لازم نسلم حلقات، ولكن كان فيه روح حلوة وأخوة وحرص من كل واحد فينا أن لو فيه عيب أو ديفوه عن التاني يتم تنبيهه وأنا كنت مطمن ومستمتع”.
وضح باسم سمرة في حديثه كرهه الشديد لإنتقادات السوشيال ميديا قائلاً: “بضايق من نقد السوشيال ميديا اللي إحنا مش عارفين مين دول وبينظروا.. على الأقل طارق الشناوي ناقد كبير، لكن في ناس مالهمش صلة بالموضوع وبيهاجموا ويتعمل لجان لمهاجمة أحمد السقا وفي الغالب هي لجان مدفوعة الأجر”.
