هشام ربيع عن طليقته بوسي: “دفعت ملايين علشانها.. وهي ناكرة للجميل”
كتبت / أسماء حليمة
علق رجل الأعمال هشام ربيع على تصريحات طليقته المطربة بوسي، والتي قالت في تصريحات سابقة لها أنها مازالت تحبه بالرغم من انفصالهما.
قال هشام ربيع في تصريحات له: “بوسي طالعة بتقول أنها لسه بتحبني طب متعرفش إن إحنا كعادات وتقاليد ومبادئ، إحنا انفصلنا وأطلقنا وكل واحد راح لحاله، طيب متعرفش أن بحبك دي تخرب بيت وده اللى حصل عندي فعلا حصل مشاكل عندي في بيتي، هل هي عايزة تخربي بيتي؟”.
أضاف ربيع: “أنا معملتش حاجة لبوسي كل اللى عملته أني دافعت واتسجنت ودفعت ملايين عشان خاطرها، وفي الآخر طلعت ندلة ومش جدعة ومش عايزة تعترف بكده، يعني هي كمان ناكرة للجميل ليه اللف والدوران في كلامك بالبرنامج، بدأت أصدق كل الكلام اللى كان بيتقال عنك قبل كده بعد اللي عملتيه معايا”.
أتم هشام ربيع حديثه قائلًا: “موضوع بحبك دي تخرب بيت وفي أسرة وأولاد، طب ليه تدمريلي حياتي أنا عملت فيكي إيه، بقولك الله يسهلك إحنا في شهر كريم ومش عايز أتكلم في أي حاجة أكتر من كده مع إن عندى كلام كتير عايزة أقوله بس مينفعش عشان مخضش في أعراض ومدخلش في حاجات هخلى كل حاجة لوقتها ولكن الله يسهلها ربنا يهديها”.
