“حتى الزمالك ربنا جبر بخاطرهم”.. ياسمين عز تعلق على فوز نادي الزمالك

كتبت/ بسمة غربية

قدمت الإعلامية ياسمين عز التهنئة لجماهير نادي الزمالك، وذلك بعد فوزه على الأهلي في القمة 127 في مسابقة الدوري الممتاز بهدفين مقابل هدف.

حيث قالت ياسمين عز في أولى حلقات الموسم الجديد من برنامجها: “بمناسبة فوز الزمالك.. أخواتي في الله لا شيء يصعب على الله حتى الزمالك ربنا جبر بخاطرهم فما تيأسش من رحمة ربنا”.

تابعت الاعلامية: “ما تفقديش الأمل في الواد اللي نفسك تخلفيه من 21 سنة لأن اللي جبر بخاطر الزمالك قادر يجبر بخاطرك”.

أردفت ياسمين: “في الموسم ده مش هنتكلم عن الستات ولا الرجالة.. ولكن هنتكلم عن الحوامل.. أنا إزاي أهملت وتغافلت عن الحوامل السنين اللي فاتت دي الحامل عبارة عن كتلة هرمونات ماشية على الأرض ومسكينة وغلبانة ومكتومة كتمة الكحك”.

أكملت الاعلامية: “الموسم ده غير كل المواسم لأني هبهرك، وأنا عمري ما نسيتك ولو طلعت إعارة هفضل فاكراكي، وكنت بعمل لك رسالة ماجستير والموسم ده مش هقعد على الكنبة أقول في دراسة قالها كذا، ولكن أنا هعملك دراسة بإيدي في البيت وهناقشك فيها في البرنامج”.