الراقصة هندية توضح تفاصيل أزمتها مع مالك عقار
كتبت/ بسمة غربية
أوضحت الراقصة هندية تفاصيل جديدة حول أزمتها مع مالك عقار الذي يتعمد مضايقتها وقطع الكهرباء عن محلها الخاص، رغم سداد ديونها كاملة، مؤكدةً أنه سرق منها كابل كهرباء قيمته 30 ألف جنيه.
قالت الراقصة خلال تصريحات صحفية: “اشتريت المحل ده من 20 سنة.. وظبطته من 10 سنين.. جهزته كمكتب أقابل فيه الصحفيين والموهوبين لبرنامجي.. روحت من 10 أيام لقيت الكهرباء قاطعة فيه هو بس”.
تابعت هندية: “حاولت أنزل البدروم وأعرف المشكلة منين وأمن العقار منعني.. كلمت صاحب العقار.. وقالي إنه ميعرفش حاجة عن الموضوع دا”.
أكملت الراقصة: “كان بينا زمان مشكلات لأنه كان عاوز ياخد المحل مني.. كانوا عاوزين مني فلوس تانية للرصف والكهربا وحاجات تانية.. سرقوا مني كابل بـ 30 ألف”.
أردفت هندية: “وطلبوا مني أجيب كابل كهربا للمحل.. طلبت الشرطة وفعلا عملنا معاينة.. ولقينا كاتر قاطع كابل الكهرباء.. إخواتي توفوا.. ومليش أولاد يقفوا معايا”.
