أحمد زاهر: “سعيد بنجاح نعمة الأفوكاتو.. ولما اتشهرت الفلوس مغيرتنيش”
كتبت / أسماء حليمة
كشف الفنان أحمد زاهر عن سعادته بالتعاون مع المخرج محمد سامي، في مسلسل نعمة الأفوكاتو، الذي تم عرضه في الماراثون الرمضاني 2024، والتي حقق نجاحًا كبيرًا فور عرضه.
قال أحمد زاهر خلال تصريحات تلفزيونية: “مكنتش متوقع النجاح الكبير اللي حققناه، ولكن دايما بيكون جوايا إحساس النجاح لما بتعاون مع محمد سامي، وده تامن تعاون لينا وبنفهم بعض من العينين وكيميتنا كويسة جدًا”.
أضاف: “الناس بتشتمني في الشارع وبتقولي يا جوز سارة، بسبب دوري في نعمة الأفوكاتو، وأحيانا الواحد نفسيا بيضايق لما بيتشتم لكن أعتبر ده نجاح”.
واصل: “الفلوس بتغير النفوس وأكيد معايا دلوقتي فلوس أكتر من 20 أو 15 سنة، ولما اتشهرت والفلوس جت متغيرتش علشان أنا متربي كويس”.
يضم مسلسل “نعمة الأفوكاتو” مجموعة من النجوم أبرزهم: الفنانة مي عمر، أحمد زاهر، أروى جودة، عماد زيادة، سلوى عثمان، هدير عبد الناصر، وغيرهم من الفنانين.
