“حصل جوانا لخبطة”.. مصطفى شعبان يكشف تفاصيل حريق استديو الأهرام

كتبت/ بسمة غربية 

كشف الفنان مصطفى شعبان عن تفاصيل حريق استديو الأهرام وموقع تصوير مسلسله “المعلم” وما نتج عنه.

قال الفنان خلال لقائه في برنامج “حبر سري”: “الحريق كان عاملنا صدمة ولا يزال إحنا كنا خلصنا وروحنا وكان فات ساعتين، بعدها بدأت المكالمة الأولى أن في حريق في الحارة وبعدها قالولي دي دخلت على الشادر دي خلصت على شادر السمك”.

أردف مصطفى: “كنا طول الوقت بنتكلم على الديكور فجأة بقينا بنتكلم عن العمارات طبعا الحمد لله إن محدش حصله حاجة وخساير مادية لكن الموضوع أثر فينا جدًا شفنا 3 أو 4 عمارات تحولوا وتأثرنا باللي حصل للناس وخسايرهم”.

أكمل شعبان: “حصل جوانا لخبطة هنعمل إيه نكمل فين معندناش شادر ولا حارة وكان لسه فاضل أيام تصوير وكان في مشاهد بدأنا تصويرها ولسه مكملنهاش عملنا جلسات عمل كبيرة ومكثفة مع المؤلف والمنتج والمخرج وعملنا تحايلات في الدراما”.

تابع الفنان: “مغيرناش في السيناريو لكن غيرنا في مواقع التصوير وطبعا عطلنا وأخدنا وقت زيادة في التصوير، منعرفش سبب الحريق دا لسه قيد التحقيق”.