“بتأسف لكل الناس”.. شاكوش يرد على حلقته مع طليقته في برنامج “رامز جاب من الآخر”
كتبت/ بسمة غربية
ظهر المطرب حسن شاكوش ليرد على حلقته مع طليقته ريم طارق في برنامج “رامز جاب من الآخر”، موجهًا رسالة اعتذار لجمهوره على ما حدث في الحلقة.
تحدث حسن شاكوش خلال لايف له عبر حسابه الشخصي بموقع انستجرام، قائلًا: “عايز أقول لجمهوري متزعلوش حقكم عليا كنت عايز أقدم ليكم أحسن حاجة وحلقة حلوة عشان إحنا في جو رمضان”.
تابع شاكوش: “وعايز الناس تنبسط وقلت الناس تبقى مبسوطة بالحلقة، وقلت أنا عارف أني رايحة لرامز بالرغم أي حاجة هتحصل بس قلت مش مهم المهم الناس تنبسط”.
أردف حسن: “أنا اسف على اللى أنتم شفتوه في الحلقة عشان كمان الحلقة مكملتش ومحصلش نصيب، أنا كحسن شاكوش كنت عايز أكمل الحلقة لوحدي”.
أكمل المطرب: “لأن رامز نجم كبير ودي يعتبر 3 سنة أطلع مع رامز وهو محترم، وشكرًا لرامز أنه اختارني من ضمن النجوم اللى استضافهم في البرنامج”.
استكمل شاكوش: “بقول لرامز متزعلش وحقك عليا أنا عارف أن كنت عايز تقدم أحلى حاجة لجمهورك، بس ده يثبت للوطن العربي كله أنك أنت مش بتتفق مع نجم، وكنا ممكن عادي نكمل الحلقة بس أننا منكملش الحلقة في مصداقية أني مكنتش أعرف واتفاجئت أن في ضيف تاني”.
اختتم المطرب حديثه قائلًا: “والحمدلله على كل حال وكل واحد مش بياخد أكتر من نصيبه، وبتأسف لكل الناس اللى سمعت أي ألفاظ مش كويسة حتى لو مش مني، وإن شاء الله نتقابل رمضان اللي جاي”.
