مي كساب عن دورها في العتاولة: “قدرت أخرج الشخصية بشكل مختلف ورمضان الجاي هطلع سينجل”
كتبت/ نوران عسكورة
تحدثت الفنانة مي كساب على الهجوم الذي طال مسلسل العتاولة بطولة أحمد السقا وطارق لطفي وباسم سمرة، حيث زعم البعض أن العمل يحرض على العنف.
قالت مي كساب للإعلامية سارة الدندراوي في برنامجها تفاعلكم: “المسلسل بيتكلم على الخير والشر وده موجود بينا، وبنقدم من خلاله نموذجين سيئين، والاتنين حرامية وسيئين في الأول والآخر، وبنقول للناس إن النهاية هتكون وحشة أكيد بس مش بنشجعهم يكونوا كده، وهنشوف في الآخر مين اللي هينتصر”.
أما عن بعدها عن أولادها بسببب تصوير باقي مشاهدها بمسلسل العتاولة في بيروت، فعلقت مي قائلة: “كل يوم بعيط مع أولادي على التلفون، عياط جماعي”.
بشأن ردود الفعل التي تلقتها من المسلسل على شخصيتها عقبت: “الحمد والشكر لله، وللمخرج أحمد خالد موسى وده كان اتفاق مسبق بيني وبينه إنه يقدمني بشكل مختلف للجمهور، وكان قد كلامه وتوجيهاته قدرت أخرج الشخصية بشكل مختلف”.
أضافت: “الشخصية مختلفة من أول مشهد وكنا قاصدين نعمل ده وده وصل للجمهور بشكل كويس، وكمان بقول للمخرج إن مافيش حد عدى من قدام الكاميرا في مشهد ومكنش عتيل من العتاولة، وقولت للسقا كان حلم من أحلامي إني أقف جمبك في عمل وربنا حققلي الحلم ده”.
كشفت مي كساب عن معاناتها مع فقدان وزنها خلال مسلسل العتاولة، قائلة: “نفسي أزيد 10 كيلو مافيش سمنة بلدي في بيروت، ولا رقاق ولا كسكسي، ونصيحتي لأي حد في مصر يتسحر طاجن رز معمر، وأنا مستمتعة بالرفع لأني كنت بعاني من السمنة، وهتخن للجمهور خمسة كيلو عشان خايفين عليا، ورمضان الجاي هطلع سينجل”.
