يسرا اللوزي: اكتشفت اني حامل في مسلسل دهشة واللي خلف ولد هو اللي هيشيل الهم

كتبت/ مي السايح

حلّت الفنانة يسرا اللوزي ضيفة في البرنامج الإذاعي”نجوم رمضان أقربلك”، والتي تقدمه الإعلامية إنچي علي، كشفت خلال اللقاء كواليس مسلسل دهشة، وعن بداية حملها.

قالت اللوزي عن كواليس المسلسل: “لما خلصوا الديكور في مسلسل دهشة وهدّوه، وبعدين بنوا القرية بتاعة دهشة، قعدنا فيها 5 شهور بنصور، وبعد ما هدوا الديكور اللي صورت فيه، ده كان يوم ما اكتشفت إني حامل”.

تابعت مضيفة: “الدور كان صعب والتصوير في أبو رواش فـ كنا بنتحرك بـ توك توك وفي حتت مكسرة وأنا حامل، كلمت أستاذ صادق الصباح (المنتج) قولتله أنا مش عارفة أقولك إيه أنا صورت مشهد في الديكور بتاع حنان مطاوع بس أنا لسة مكتشفة إن أنا حامل وتقريبا أنت أول حد أقوله، وهعتذر عن المسلسل”.

وأضافت اللوزي: “قالي مفيش أي مشكلة وألف مبروك، وكان رافض إني أعتذر ووفرلي سبل الراحة في التصوير، وكان من أحلي الأدوار اللي عملتها لحد دلوقتي”.

كما استكملت حديثها عن تفاصيل حياتها وعن إنجابها للبنات، وقالت معلقة: “أنا شايفة اللي خلف ولد هو اللي هيشيل الهم، اللي خلف بنت بيحس بالأمان وإن عنده صاحبة بقية عمره، أنا لو كان عندي ولد كنت هحبه بس أنا كان نفسي أجيب 3 بنات”.

في سياق متصل، يشارك في بطولة مسلسل “دهشة” الفنان يحيى الفخرانى وفتحي عبد الوهاب ويسرا اللوزى ونبيل الحلفاوى وحنان مطاوع وياسر جلال وسماح السعيد وياسر المصري وعايدة عبد العزيز، تأليف الكاتب عبد الرحيم كمال، وإخراج شادي الفخرانى.