لأول مرة.. فاروق فلوكس يكشف عن تعرضه لأزمة كبيرة بعد فيلم الراقصة والسياسي
كتبت / أسماء حليمة
كشف الفنان فاروق فلوكس عن تفاصيل شخصيته في الفيلم الشهير “الراقصة والسياسي”، بطولة الفنانة نبيلة عبيد، كما تحدث عن المشكلات التي واجهته بعد العمل.
قال فاروق فلوكس خلال تصريحات تليفزيونية: “دوري في الراقصة والسياسي، الأستاذ وحيد حامد الله يرحمه كلمني وقالي في رواية لفيلم أنا عامله عايزك تشتغل معايا فيه، قولتله هو أنا أطول أشتغل معاك؟”.
أضاف: “قرأت الرواية وطيرت بيها، والشخصية كانت لونة وبتتعاطى المخدرات، وكان لازم أخفف الشخصية بالشكل اللي عملته فيها، وإلا كان هيبقى دمه تقيل أوي”.
تابع: “دوري في الراقصة والسياسي عمل ليا مشاكل، وعمل لأولادي مشاكل في المدرسة، وكانوا بيتعاملوا معاهم بطريقة وحشة، واضطريت أني أروح المدرسة وأقابل الناظر الإنجليزي، وأدخل الفصول وأشرح لهم أن ده دور وتمثيل وصقفوا لي، وفهمتهم التمثيل وأنواعه والشخصيات المؤثرة”.
