فاروق فلوكس يكشف تفاصيل خلافه مع عبد الرحمن أبو زهرة لأول مرة
كتبت – أسماء حليمة
كشف الفنان فاروق فلوكس خلال تصريحات تليفزيونية عبر برنامج “كلم ربنا”، عن تفاصيل غيابه عن الساحة الفنية لمدة 5 سنوات، موضحًا أن جميع الأدوار تكون للجيل الجديد.
قال فاروق فلوكس: “غيبت 5 سنين عن الفن، ومتعرضش عليا أدوار خالص طول الفترة دي، وكل الجيل القديم مبيشتغلوش، والجيل الجديد مش عايز الجيل القديم، الجيل الجديد رافض تمامًا الجيل القديم تأليفًا وإخراجًا وتمثيل”.
أضاف: “السبب التاني في ابتعادي أن جالي حاجة في عيني خلاني عندي ضعف نظر في القراءة، ومن مشاكلي حاليا أني مبعرفش أقرأ قرآن ومبعرفش أمضي، وسجلت كتاب واتفرغ 500 صفحة فيه كل تاريخي”.
كما تحدث الفنان عن تفاصيل خلافه مع الفنان عبد الرحمن أبو زهرة قائلًا: “عبد الرحمن أبو زهرة في بيني وبينه خلاف، ولكن هو فنان عن حق مبيشتغلش ليه؟”.
تابع: “وعبد الرحمن أبو زهرة كنا بنصور مسلسل في شقة فخمة ولكن الريحة كانت وحشة جدًا وأنا اتكشفت أقول للمخرج نخلص بسرعة علشان التنفس، وعبد الرحمن دخل يقول كلام كتير في المشهد قولتله هي ندوة؟ قالي أه ندوة مش عاجبك أمشي، ودي اللي زعلتني منه أوي”.
