فاروق فلوكس: “جالي جلطة في القلب بسبب مهما أحمد
كتبت / أسماء حليمة
تحدث الفنان فاروق فلوكس عن تفاصيل الأزمة التي تعرض لها بعد خلافه مع الفنانة مها أحمد، حيث أصيب بجلطة في القلب.
قال فاروق فلوكس خلال تصريحات تليفزيونية: “جالي جلطة في القلب بسبب مها أحمد كنت شغال معاها في مسلسل، أنا مكنتش عارف أني بشتغل مع مارلين مونرو علشان يحصل لي كده في السن ده، هو أنا هروح أعاكسها وهي ترفضني ويجيلي جلطة؟ إيه المنطق الغريب ده؟”.
أضاف: “المشهد اللي أنا انسحبت علشانه كانت في مكان وأنا في مكان، وربنا يسامحها وأنا مسامحها، وحجة البليد مسح التختة، أنا فعلًا جالي جلطة وعملت عملية في القلب، وهي علقت على جملة أنا بقولها وهو ده الموقف”.
تابع: “ودي زي بناتي الصغيرين ومش نجمة كبيرة أوي، وهي سابت التمثيل شوية واشتغلت مذيعة، وبعدين سابت شغل المذيعة، وأنا مقدر ظروفها وظروف ابنها، وربنا يسامحها”.
أوضح فاروق فلوكس عن سبب تأجيل دفن والدته قائلًا: “أنا مأجلتش دفن والدتي هي أتوفت الساعة 5 وتلت والدكتور جه وعمل اللازم وكان صعب ندفن الساعة 7، وكنت شغال مسرحية وقالوا لي ممكن نوقف وروحت اشتغلت وكانت من أصعب الليالي في حياتي”.
أكمل فاروق: “أنا كنت عامل دور ابن أمه، وكانوا بيعلقوا عليا كتير أوي بعد المسرحية ويقولوا سلم على أمك، ويومها ماحدش منهم قال كلمة على أمي خالص، لأني سايب أمي ميتة في البيت”.
