انتصار تكشف لأول مرة عن سبب عدم تعاونها مع كاملة أبو ذكرى
كتبت / أسماء حليمة
علقت الفنانة انتصار عن حب الرجال لها، موضحة أنها عندما تعجب برجل ما ستعترف له، كما كشفت عن عدم تعاونها مع المخرجة كاملة أبو ذكرى.
قالت انتصار في تصريحات تليفزيونية: “كنت مرغوبة من الرجال طول الوقت، ولكن اكتفيت وزهقت.. وعمري ما بخاف أني أكون مرغوبة أو لأ، وممكن لو أعجبت برجل أروح أقوله، والحب ملوش مكان ولا وقت، وفي اللحظة دي الكون كله بيكون ساكت احتراما لهذه اللحظة”.
تابعت انتصار: “دايما الراجل اللي بيحبك بيتكلم عنك ورا ضهرك حلو، وأخر مرة حبيت فيها كانت من وقت طويل.. والحب بيغير الحياة بتحسي أن الأكل له معنى واللبس له معنى ودولابك اللي في البيت له معنى”.
كما كشفت انتصار عن عدم تعاونها مع المخرجة كاملة أبو ذكري مرة أخرى قائلة: “أتمني أن المخرجة كاملة أبو ذكري متتكلمش كتير في البرامج لأنه مش صح، مينفعش كل شوية تطلع على الناس لأني محبتش أنها عملت كدا، وبراحتها متشتغلش معايا تاني”.
واصلت انتصار: “أنتي مخرجة كبيرة ليكي اسم مينفعش البرامج تستغلك، وتطلعي تتكلمي عن زملائك وحش، لأنك من أهم المخرجين الموجودين في الشرق الأوسط، وأنا بحبها جدا لأنها صحبتي”.
