“مفيش حد بينجح حد غير ربنا”.. عصام صاصا يكشف أسباب خلافة مع بيكا
كتبت/ هاجر الأهواني
صرح عصام صاصا، خلال استضافته ببرنامج “أسرار” مع الإعلامية أميرة بدر، المذاع على “قناة النهار”: “حمو بيكا لو قال انه ساعدني يجتمع بيا ونشوف، ومفيش حد بينجح حد غير ربنا، وممكن يكون ربنا اختارني، اكبر مشكلة بيني وبين بيكا هي ادارة أعماله”.
تابع صاصا: “وكان الناس تقولي إدارة أعمال بيكا نصابة وحرامية، ولما ساب بيكا جالي وبقى معايا، ومهما الناس تقولي عنه مكنتش بصدقهم، اول مرة اقابل بيكا كانت ساعة تسجيل أغنية رب الكون ميزنا بميزة، وقلتله وشي حلو عليك”.
علق مطرب المهرجانات عصام صاصا على تصريحات حمو بيكا قائلًا: “وافقت على التنازل ومضيت عشان مكنتش مصدق نفسي، كنت 18 سنة، واغنيتي جابت 100 مليون، وكنت مازلت شغال عالتوك توك زيي زي اي حد، وال 100 مليون مكنوش يعرفوا شكلي، ولا يعرفوا اني انا اللي بغني الاغنية دي”.
أضاف صاصا: “مبعرفش اغنيتي نازلة امتى، لاني متأكد ان الناس اللي معايا شغالين صح، وأول فلوس ليا كانوا 1000 جنيه، وكنت بنزل الفرح ب 2000 جنيه، ووالدتي مكانتش معارضة ده، وصوتى حلو وراثة من امي”.
واختتم عصام حديثه قائلاً: «اكتر مرة اتضايقت لما حد نزلني انا واخويا من عربية في مكان ما وامي قعدت تعيط، ومفيش حد وقف معايا غير امي ومفيش حد خيره عليا، وبعد والدتي ستي أم والدي، ولو الشخص ده طلب مني اي حاجة مش هعملها».
يعد برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
