لأول مرة.. ياسر فرج يكشف تعرضه لحادثة كبيرة
كتبت / أسماء حليمة
حل الفنان ياسر فرج ضيفًا في برنامج “لحظة تجلي” والتي تقدمه الإعلامية منى عقبي، حيث كشف تفاصيل عن حياته الشخصية لأول مرة.
قال ياسر فرج: “خلال امتحانات تخرجي من المعهد، وكان عندي تصوير وقتها وكنت بخلص تصوير وأعمل بروفات على مشروع التخرج، فالواحد كان مبسوط أنه بيتخرج وشغال وبيعمل كذا حاجة في نفس الوقت والمعنويات كانت مرتفعة”.
أضاف: “في لحظة عملت حادثة غريبة جدًا وخبطت واحد كان بيجري من قدام العربية قضاء وقدر، وكل الأحاسيس اللي كانت عندي راحت، ولاقيت نفسي في نيابة وتحقيق والدنيا راحت في اتجاه تاني خالص”.
وواصل فرج حديثه قائلًا: “الحادثة دي دفعت فيها فلوس كتير جدًا وادينت بفلوس كتير جدًا وأنا لسة طالب، وكنت عامل مسلسل اسمه أهل الدنيا بطولة صلاح السعدني، وكان أهم دور عملته في حياتي لغاية النهاردة”.
وأتم ياسر فرج حديثه قائلًا: “كنت منتظر أن الدور دا ينزل وكمان كنت داخل الجيش، يعني أي حد هيحتاجني في شغل أو صحافة مش هبقى موجود والناس هينسوني، وكمان محتاج أشتغل علشان أسدد ديوني”.
