هند صبري: المبادئ لا تتجزأ وعندي هوس بالتفاصيل
كتبت/ مي السايح
حلت الفنانة هند صبري ضيفة في برنامج “ألبوم صور”، مع إيناس سلامة الشواف على راديو إينرجي ٩٢.١، كشفت خلال اللقاء أسرار عن حياتها الشخصية، كما أنها تعرضت للصدمات من عده أشخاص، وكشفت عن بداية مشوارها الفني.
قالت هند صبري إنها خلال مشوارها الفني تعلمت الكثير، معلقة: “عندي هوس بالتفاصيل لأنها هي اللي بتفرق في أي عمل عن الآخر واتعملت إني متمسكش باللي أنا عايزاه وآخذ كل الآراء والزوايا من أجل العمل”.
وتابعت :”مفيش زاوية واحدة للحياة، الحياة مليانة بالتفاصيل ولازم تشوف الصورة من أكثر من زاوية الحياة، ولازم يكون عندك مرونة لكل الآراء والزاويا ومن غير مرونة الدنيا بتكون صعبة”.
استكملت حديثها:”المبادئ في الحياة لا تقبل التجزؤ يعني مينفعش يكون في أكتر من زاوية للكذب والخيانة”.
كشفت عن رأيها في الفرق بين التصوير حاليا والتصوير قديماً: “التصوير زمان كان لتخليد ذكري حلوة بس في الوقت الحالي التصوير بيكون فيه جزء ملهوش لازمة وبرا الكادر”.
اختتمت حديثها قائلة: “الصور اللي كنا بنشوفها من غزة هي صور لأول إبادة عرقية بتحصل على الهواء قدام العالم وللأسف عشرات الآلاف دفعوا الثمن بس أرواحهم خالدة”.
