بكلم والدي المتوفي.. تعرف على آخر تصريحات لقاء الخميسي
كتبت/ بسمة غربية
أعربت الفنانة لقاء الخميسي عن اشتياقها لوالدها، وقالت إنها تتحدث مع والدها المتوفي، وأكدت أنها دخلت قبر الفنان الراحل أحمد زكي خلال دفنه.
تابعت لقاء الخميسي في تصريحات تليفزيونية: “بكلم والدي وبيرد عليا، أنا بكلمه في الكتابة عندي كشاكيل بكتب فيها، أنا بعرف اكتب ومفروض كنت أبقى مؤلفة، وبيبعتلي رسايل في علامات حواليا لأني بركز جدًا في التفاصيل”.
أردفت الخميسي: “نزلت قبر أحمد زكي عشان بحبه، وكنت حامل في ابني، ونزلت السلالم كلها وطلعوني، وزوجي كان ماسك النعش معاهم، وبحبه عشان بصدقه ومن أهم الناس”.
أكملت الفنانة: “كنا صغيرين أنا وزميلي لؤي عمران، وقابلنا أحمد زكي في الأسانسير، قالي أنتي ممثلة من غير ما يشوف لي حاجة ولا كنت عملت حاجة”.
استكملت لقاء: “وقالي هتبقي موهوبة جدًا، وقال لزميلي بردو، وقلت له أنا بحبك ممكن أخد حضن، راح حاضني، وبعد وفاته مقدرتش اتفرج له على حاجة، وعمري ما نزلت القبر غير لأبويا”.
علقت الفنانة على أزمتها مع الفنان خالد سليم قائلةً: “مسلسل أبواب الشك كان حقي أحط اسمي قبل خالد سليم، ومضيت من غير ما أعرف أن خالد سليم هو اللي رشحني، وخالد سليم نجم كبير لكن بشوفه مطرب ومغني جامد، لكن أنا أصلي ممثلة، والفرق بينه وبين تامر حسني أنه اتعمله أفلام كتير لسنين، والخناقة غريبة لأنه على مين يمين ومين شمال، وخالد عشرة ومتجوز صاحبتي”.
