الجدعان الكويسين بيمشوا كلهم.. بكلمات مؤثرة نعى حسام داغر وفاة طارق عبدالعزيز
كتبت/ مي السايح
نعى الفنان حسام داغر، وفاة الفنان طارق عبدالعزيز، عبر صفحته الرسمية على الفيسبوك، بكلمات مؤثرة وحزينة.
كتب معلقاً على صورته: ” طارق بجد مش معقول سبحان من له الدوام كنا تاعبنين سوا في نفس الوقت من كام شهر لما انا دخلت المستشفي و انت عملت القسطره و مع ذلك قعدنا ساعه نتكلم في تليفون نطمن علي بعض و تحكيلي الي حصل معاك كله”.
وتابع: “كنت مسجلني علي موبيلك حسام ابن عمتي بسبب كلامك مع ماما زمان و طلعتوا من نفس البلد في سوهاج و انها تقربلك و في مقام عمتك، جمعنا مواقف كتير و صحوبيه كتير و ضحك كتير و حب كتير مش مصدق نفسي اخر مره شفتك في مهرجان العلمين و فضلت تتطمن عليا و انت الي فيك مكفيك”.
واختتم حديثه قائلاً: “طول عمرك صاحب صاحبك و جدع انا مش مصدق الجدعان الكويسين بيمشوا كلهم .. قلبي مبقاش مستحمل .. لنا الله يا رب و صبرني علي وحع الفراق و السلام امانه لماما و والدك و كل الي سبقونا مع السلامه يا طارق يا حبييي مع السلامه يا ابن خالي”.
الجدير بالذكر أن، طارق عبدالعزيز قد وافته المنية مساء اليوم، وذلك إثر أزمة قلبية داخل كواليس مسلسل “وبقينا اتنين”، وأنه قد خضع لعملية قسطرة منذ أشهر في القلب.
