نجوى فؤاد عن مرضها: “محدش بيصرف عليا.. وأحنا أساس الفن”

كتبت / أسماء حليمة

أعربت الفنانة نجوى فؤاد عن استيائها الكبير، بسبب إهمال نقابة المهن التمثيلية لها بعد تدهور حالتها الصحية والمادية، حيث أوضحت أنها من الفنانين التي صنعوا الفن في مصر.

قالت نجوى فؤاد في حوارها لها: “لما جيت أطلع معاش من النقابة لاقيته 600 و700 جنيه في الشهر، وكيلو اللحمة بـ 500 جنيه، نعيش بيهم ازاي ولا نعمل أيه، دا إحنا التراث الفني بتاع مصر”.

تابعت نجوى فؤاد: “أنا وعبد الحليم حافظ ونجوى فؤاد وسمية جمال ورشدي أباظة وفريد شوقي، وأم كلثوم، الناس دي اللي عملت الفن في مصر، احنا أساس الفن، أخدنا ملاليم وهما دلوقتي بياخدوا الملايين”.

أكملت نجوى: “المفروض وزارة الثقافة تهتم بالفنانين الدنيا بقت غلاء رهيب جدا لو صرفنا يوم ولا اتنين طيب التالت نجيب منين”.

واصلت “فؤاد”: “الجيل الجديد بيعمل مطاعم ومشاريع جمب شغله لأنه بيكسب كتير بياخد أجور عالية إحنا كنا بناخد الـ 5000 ولا 2000 ولا 3000 ولا أقصى أجر وصلتله كان 8000، ميكفيش يصرف على البيت حاجة”.

كما تحدثت الفنانة نجوى فؤاد عن مصدر دخلها، وعلقت قائلة: “مفيش مصدر دخل، بصرف من اللحم الحي من اللي ربنا بيبعتهولي من عنده”.