شريف سلامة: “أنا ضد إن الناس تشوف حياتي على السوشيال ميديا”
كتبت / أسماء حليمة
كشف الفنان شريف سلامة عن تفاصيل حياته الفنية ومشواره الفني، وذلك في برنامج “ألبوم صور” مع الإعلامية إيناس سلامة.
قال شريف سلامة: “بحب يبقى مسموح للناس يشوفوا شغلي وشخصياتي ويصدقوها.. لكن أنا ضد السوشيال ميديا والناس تشوف حاجاتي الشخصية”.
تابع شريف سلامة: “إحنا فنانين بنقدم وعي ومسئولية كبيرة، وهنفقد المصداقية والناس مش هيصدقوا شخصياتنا لو عرفوا حياتنا الحقيقية”.
واصل شريف سلامة حديثه قائلًا: “أنا مبعملش حاجة عشان حد أبدا.. ولو الصورة بتاعتي وصلت غلط لحد بيبقى واجب عليا لو شاف الأمور بشكل مخالف للواقع بوضحله.. لكن لو هو مصمم يشوف نفس وجهة النظر هو حر”.
أضاف سلامة: “أنا شخص مسالم وحقيقي.. والأحكام المسبقة ده كلام فاضي، ميهمنيش الانطباعية وبشوف إن نقل الخبرة في التعامل ده جهل..أنا بتعامل مع الناس بصفتهم الوقتية وتعاملهم المباشر”.
أعمال شريف سلامة
يخوض الفنان شريف سلامة الماراثون الرمضاني الحالي بمسلسل “كامل العدد”، بطولة الفنانة دينا الشربيني والفنانة ليلى تيمور.
